Музыкалық аспапты ұшақ салонында келесі тәсілмен тасымалдауға болады:
Қолжүк ретінде (егер рұқсат етілген өлшемдер мен салмаққа сәйкес келсе ғана, төменде қараңыз);
Алдын ала сатып алынған бөлек орында;
Әр жолаушыға қосымша бір дана қолжүгі ретінде. Аспаптың өлшемі мен салмағы 110х30х30 см және 10 кг-нан аспауы тиіс. Аспап арнайы футлярға салынып, қауіпсіздік талаптарына сай тасымалдануы қажет. Қызмет ақылы (төмендегі толық ақпаратпен танысыңыз).
Қолжүкті тасымалдау ережелері
Қолжүктің мөлшері, салмағы және саны:
Әр жолаушыға бір қолжүкті тасымалдауға рұқсат.
Сіз 5 кг-нан аспайтын қолжүкпен тегін жүре аласыз. Максималды өлшемдері – 56x23x36 см.
Қолжүкті ақылы түрде 10 кг-ға дейін үлкейтуге болады, бірақ саны мен өлшемдері өзгеріссіз қалады, яғни қолжүк 56x23x36* см-ден аспау керек.
Кез-келген қолжүк, оның ішінде музыкалық аспап та, барлық бөлшектерімен бірге (қаптама, қақпақ және т. б.) стандартты сөмке өлшегішке сыйып кету керек.
* Осы параметрлерден аспайтын музыкалық аспап қолжүк болып саналады. Ұшақ бортына 1 дана қолжүк кіргізуге рұқсат етілгендіктен жолаушының барлық басқа заттары ақылы түрде багажға тапсырылуы керек.
Егер аспап (қорабын қоса алғанда) қолжүктің өлшемдерінен асып кетсе, жолаушыларға жағдай жасау мақсатында (басқа жолаушылардың қолжүгі үшін жеткілікті орынның болуы) және музыкалық аспаптың зақымданбай орналасуы үшін біз жақын тұрған орынды сатып алу шарттарын ұсынамыз (төмендегі ақпаратқа назар салыңыз). Лоукост компаниялар рейс орындау кезінде өздерінің борттарында жолаушылардың көптігіне байланысты және оларға өз жүктерін кедергісіз орналастыруға мүмкіндік беру үшін қолжүк бойынша қатаң ережелерді қабылдауға мәжбүр. Бұл ережелерді әлемдегі басқа лоукост тасымалдаушылар да қолданады.
Егер аспап белгіленген өлшемнен үлкен болса:
Ұшақ салонында қосымша орын қажет ететін музыкалық аспапқа билет рәсімдеу үшін оны сатып алмай тұрып FlyArystan байланыс орталығына (+7 727 331-10-10; what's app чат +7 702 702-02-27 (what's байланысы қоңырауларды қабылдамайды) немесе Live-chat нөмірі бойынша тікелей хабарласу маңызды.
Музыкалық аспапты орналастыруға арналған қосымша орынның құны ағымдағы қолжетімді тариф бойынша борттағы орын құнына сәйкес сатылады.
Егер қосымша орынға билет рәсімделмеген болса, музыкалық аспапты багаж бөліміне тапсыру қажет (бұл жағдайда әуекомпания аспаптың зақымдалмауына жауапты емес) немесе әуежайдағы сақтау камерасында қалдыру керек.
Музыкалық аспапты қосымша бір дана қолжүгі ретінде тасымалдау
Бұл қызмет музыкалық аспапты ұшақ салонында қосымша бір дана қолжүгі ретінде алып жүруге мүмкіндік береді. Қызмет - ақылы.
Қызмет қолжетімді:
ішкі және халықаралық рейстерде;
ересек жолаушылар мен балаларға.
Бұл қызмет бойынша ұшақ бортында тасымалданатын музыкалық аспаптар саны шектеулі:
бір рейске максимум 3 музыкалық аспап;
бір жолаушыға 1 музыкалық аспаптан аспау керек.
Музыкалық аспап ұшақ салонында тасымалданады және жүк сөресіне орналастырылады.
Аспаптың өлшемдері мен салмағы келесі өлшемдерден аспауы тиіс:
Өлшемдері: 110 x 30 x 30 см;
Салмағы: 10 кг.
Аспап тасымалдау кезінде қауіпсіздікті қамтамасыз ететін футлярға мықтап оралған болуы тиіс.
Қызметті өз бетіңізше рәсімдеуге болады:
әуекомпанияның ресми сайтында;
мобильді қосымшада;
біздің байланыс орталығы арқылы;
туристік агенттіктер арқылы;
әуежайда (егер рейсте бос орын болса).
Қызметті онлайн немесе біздің байланыс орталығы арқылы рейстің жоспарланған ұшу уақытына 1 сағат қалғанда дейін сатып алуға болады.
Қызметпен жолаушылар тіркеуден келесі тәсілдер арқылы өте алады:
Қаптаманың дұрыс болмауы жағдайында келтірілген залал үшін авиакомпания жауапты емес. Егер өлшем немесе салмақ шектеулері асса, музыкалық аспап тіркелген багаж ретінде рәсімделіп, қосымша ақы алынады.
Компания аспаптың сақталуына жауапты емес.
Жолаушының бастамасымен қызметтен бас тартқан жағдайда, қайтару авиакомпанияның қосымша қызметтерге қайтару шарттарына сәйкес жүзеге асырылады.
Назар аударыңыз: әрбір FlyArystan рейсінің бортында 188 жолаушы болуы мүмкін және жүк сөрелеріндегі орындар шектеулі. Осыған байланысты қолжүктің белгіленген нормаларын сақтау өте маңызды. Біз әрбір жолаушыдан осы талаптарға құрметпен қарауды сұраймыз, олай болмаған жағдайда біз тасымалдаудан бас тартуға мәжбүр боламыз.
Түсіністік пен ынтымақтастық үшін рахмет! Қосымша ақпарат алу үшін Арнайы қызметтер парақшасына өтіңіз.
